පුබ්බිලියේ ගුණරතන ස්වාමීන් වහන්සේ

            මධ්‍යම පලාතේ ඓතිහාසික මාතලේ දිස්ත්‍රික්කයේ ලග්ගල මැතිවරණ කොට්ඨාසයේ නාඋල අධ්‍යාපන කලාපයේ පිහිටා ඇති ආඳාවල මහා විද්‍යාලයේ ඉතිහාසය වර්ෂ 1936.09.01 දින දක්වා ඈතට දිවේ. ආඳාවල විහාරස්ථානයේ වැඩ වාසය කළ ගුණරතන ස්වාමීන් වහන්සේගේ මූලිකත්වයෙන් 1936.09.01 දින සුභ මොහොතින් විහාරස්ථාන ධර්ම ශාලාවේදී සිසුන් අට දෙනෙකුගෙන් ආරම්භ කරන ලද මෙම විද්‍යාලය ගරු ස්වාමීන් වහන්සේගේ හා දෙමාපියන්ගේ උනන්දුව මත 1946.02.01 දින වන විට රජයේ පාසලක් බවට පත් කර ගත හැකි විය. ඒ වන විට විද්‍යාලයේ ශිෂ්‍ය සංඛ්‍යාව 45ක් දක්වාත් වැඩි වී තිබුණි.